هل تعرفون شاليهات عالبحر في مسقط حلوه ومرتبه ونظيفة ؟

سلام عليكم

ابا اسألكم عن شاليهات عالبحر في مسقط حلوه ومرتبه ونظييييفه وتناسب العوايل واسعارها تكون مناسبه

وياليت اللي يعرف اساميهن او ارقام يعطينا اياهن

وبعد ابا اتخبركم عن برالجصه

كم تبعد عن مسقط ؟؟

وشواحسن فندق فيها ؟؟ وسعره يكون مناسب لاني اتصلت بشانقريلا وقالوليه الغرفه 1900 درهم!!

مادري ليش مغلين هالكثر!؟ مع انيه سامعه ان الغرف فيه رخاص ومايتعدن 700 درهم؟

وياليت اللي عندهم ارقام الفنادق اللي فيها يعطينا اياه

ومشكوووووووووورين:

مسافر جديد كتب منذ في 15 يوليو، 2015 في قسم السفر الى عمان.
إضافة تعليق

انا سكنت في أرخص فندق في بر الجصة وهو فندق الواحة في شهر سبعة في الصيف .. وكان سعر الغرفة بعد العرض الخاص للخليجين 770 درهم .. اما الآن .. اعتقد انها وصلت لـ 950 درهم على أقل تقدير … المسافة من بر الحصة لغاية الشوارع الداخلية لمسقط حوالي 20 دقيقـة بسبب وجود المرتفعات التي تعيق من حركة السيارة يعني اللي يروح بر الجصة احسن لـه يظل ويقر في المنتجع وما يطلع لان الخروج منه في هذا الطريق الجبلي الصاعد والهابط متعـب خصوصا في الليل .

اما عن الشاليهات .. ما اعتقد مسقط فيها شاليهات لكن هناك فندق اسمه شيدي مسقط مصمم تقريبا على شكل شبية بالشاليهات وسعر الغرفة فيه 1400 درهم … واعتقد ان منطقة السوادي فيها شاليهات لكنها بعيده عن مسقط يعني حوالي ساعة .

وفيه منتجع الاحلام،،، يقع في مدينة السيب،،، على الكورنيش،،، حلو كثير،،،،
وموقع مناسب جداً،،، له إطلاله رائعه على البحر ،،،، شي رومانسي،،، ما يميزه إنه عبارة عن غرف مثل الشاليهات،،، يمكن الوصول إليها دون المرور بمدخل المنتجع ،،، لذلك فهو مناسب للعوائل،،،
سعره حالياً 30 ريال (300 درهم) للغرفه و 40 ريال للستيديو.
رقمهم 0096824453399

مسافر خبير كتب منذ في 15 يوليو، 2015.
إضافة تعليق

إجابتك

عند نشر إجابتك, فانت توافق على سياسة الخصوصية و شروط الخدمة